Xalq təbibləri məsləhət görürlər ki, əsəbləri sakitləşdirmək beyin və ürək damarlarının fəaliyyətini tənzimləmək üçün zirinc dəmləməsi içmək lazımdır. Zirinc dəmləməsi hazırlamaq üçün bir xörək qaşığı zirinci, bir stəkan qaynar suda on dəqiqə dəmləyib, üstünü örtür, sonra cunadan süzürlər. Ondan gündə üç dəfə, hər dəfə də yarım stəkan içirlər.
Bədəndə yığılmış duzları yox etmək üçün 300 qr. yerkökü, 100 qr. çuğundur, 100 qr. xiyar şirəsinin qarışdırıb gündə 3 dəfə, hər dəfədə stəkanın üçdə biri qədər içmək lazımdır. Müalicə bir ay davam etdirilməlidir.
Böyrəklərdə və oynaqlarda olan duz yığıntısını xaric etmək üçün faydalı vasitələrindən biri turp şirəsidir. Turpu döyüb şirəsini çıxarır və eyni miqdarda balla qarışdırırlar. Bu mayedən gündə 3 dəfə, hər dəfədə yarım stəkan içmək məsləhət görülür.
