Şüyüd və faydaları

Şüyüd bədənə istilik və quruluq verir, sidikqovucu və südqovucu xüsusiyyətə malikdir. Toxumu bu baxımdan daha qüvvətlidir. Gövdə və toxumunu qaynadandan sonra alınmış suyu sancını kəsir, yel və qazları özünə hopdurur. Xörək və turşularda şüyüd toxumu işlətmək xeyirlidir.

Həzmedici xüsusiyyəti vardır. Mədə zəifliyi, hıcqırma zamanı, qara ciyər və dalaq üçün faydalıdır. Tənginəfəslik, böyrək və sidik kisəsi xəstəlikləri zamanı şüyüd yemək xeyirlidir. Həmçinin qulunc hallarında şüyüd yemək və ya onu xörəyə qataraq yemək çox faydalıdır.